డాక్యుమెంటరీ సంవిధానాన్ని సంకేతాల (సింబల్స్)తో, ధ్వనుల (సజెషన్స్)తో, కళావిలువలతో మేళవించి, ఒకానొక వినూత్నమైన, విలక్షణమైన సంప్రదాయాన్ని ప్రవేశపెట్టిన శకపురుషుడు సత్యజిత్ రాయ్. చలనచిత్ర చరిత్రలో ఒక నూతన అధ్యాయం ఆయనతో ఆరంభమయింది. వాస్తవిక దృక్పథం, సాంకేతిక (సింబాలిక్) దృక్పథం, కళాదృక్పథం ఆయన చిత్రాలలోని ప్రత్యేక లక్షణాలు, ఆయన చిత్రాలు మానవ జీవితమంతటి నిగూఢమైనవి, అగాధమైనవి-ఎవరికి ఎంత సంస్కారం వుంటుందో వారికి ఆయన చిత్రాలు అంత గొప్పగా వుంటాయి - కళా కైవల్యానికి స్వర్ణసోపానాలు ఆయన చిత్రాలు.
